الامتاع الجنسي- د دعاء القويسني- كبسولة حضارة
بقلم: د دعاء القويسني
There are many paths to heaven, and sex is one of them”
Maslow (1971, p. 169).
في دراسه مهمه نشرتها peggy kleinplatz من عشر سنوات كانت بتتكلم فيها عن معايير العلاقه الجنسيه المشبعه او مايسمي "The optimal sex "
الدراسه دي استمرت ٥ سنوات وتضمنت مقابلات مع اكتر من ٦٤ couple وكان السؤال اللي بيسألوه ليهم ايه مواصفات "العلاقه الجنسيه العظيمه" ؟
وفي النهايه لخصت الكاتبه هذه المكونات في عشر نقاط :
- Being present, focused and embodiedاجادة الحضور والاندماج الشديد اثناء الممارسه الجنسيه .
الكلام حيفهمه كويس اوووي الناس اللي بتمارس هوايه بتحبها . عارفين لما الوقت يسرقك وما تحسش بيه علشان انت كنت غرقان لشوشتك ومركز في شئ مستحوذ علي كل انتباهك ومخليك فاصل تماما عن كل ما عداه . اهو ده المقصود بمعايشة اللحظه الراهنه والاستغراق فيها
-Connection, alignment, merger, being in synchronization
الانصهار والتواصل العاطفي والجسدي
لما يكون ايقاع الشريكين متزامن ومنسجم محدش سابق التاني بخطوه متواصلين جسديا ووجدانيا لاقصي حد. اللي بيعرفوا يرقصوا تانجو حيفهموا الكلام ده لما تبقي كل خطوه بيترد عليها بخطوه متوازنه ومتناسقه معاها والخطوات دي رايح جاي.
-Deep sexual and erotic intimacy
ودي معناها القرب والحميميه اثناء الممارسه الجنسيه
لما يكون الاتنين فاهمين بعض قادرين يشاركوا كل حاجه من غير قلق ولا خوف من الاحكام قابلين بعض قلبهم علي بعض وكل شريك مهتم انه يسعد التاني في العلاقه كمان واثقين في بعض مفيش ممارسه جنسيه آمنه لو مفيش الاحساس المتعارف عليه عاميا ( اننا ستر وغطا علي بعض ) .
- Extraordinary communication, heightened empathy
التواصل بيتم في العلاقه باشكال مختلفه فعندنا التواصل اللفظي في شكل كلام بنقوله وبنسمعه وعندنا التواصل بلغة الجسد وده بيبان في تعبيرات وشنا وإيماءاتنا وعندنا التواصل الحسي. ما فيش حاسه مش بتستخدم في ممارسة العلاقه الجنسيه واهمهم علي الاطلاق حاسة اللمس . مهم جدا في العلاقه الحميمه ان التواصل يكون رايح جاي وكل طرف يكون حساس ومستجيب للي بيستقبله من الطرف التاني .
- Authenticity, being genuine, uninhibited, transparency
دي بقي معناها انك تبقي علي طبيعتك ،فاكك ، مرتاح اللي جواك براك مفيش حواجز او فلاتر او حسابات . وده طبعا بيحتاج احساس عالي من الثقه . ثقتك في قدرة شريكك علي استيعاب جموحك ، شطحاتك ، جنانك أحيانا بدون تسفيه او انتقاد او اصدار احكام
-Transcendence, bliss, peace,transformation, healing
هنا بقي ملقتش ادق ولا ابلغ من التعبير القرآني البديع ( لتسكنوا إليها) السكن ، الراحه ، السلام ، الاطمئنان اللي بيحصل وقت الممارسه الجنسيه والناتج عن تعميق التواصل الانساني بين شخصين متحابين حاجه كده من أسمي معاني الغرام لو صح التعبير .
-Exploration, interpersonal risk-taking, fun
الممارسه الجنسيه تحتوي علي مخاطره . مخاطرة التعري . مخاطرة القرب ، مخاطرة اني اطلب حاجات مجنونه ، اجرب حاجات جديده وابقي واثق ان الطرف التاني حيفهمني ويشجعني ويجرب معايا علشان احنا الاتنين نستمتع سوا . مفيش حد بيستمتع وهو خايف ومفيش حد بيستمتع وهو حاسس بالتهديد. الاستمتاع الجنسي يتطلب قدر كبير من الثقه والأمان
-Vulnerability and surrender
المعني ده في غاية الاهميه والتعقيد القدره علي اني اسيب نفسي خالص وادي مشاعري لحد تاني من غير ما احاول اسيطر عليها او اوجهها او ازيفها . في كتير من الناس صعب عليهم انه يفقدوا السيطره او يسيبوا نفسهم او يشاركوا مشاعرهم الهشه مع حد و النقطه دي بالذات لو مش موجوده بتقلل الاستمتاع الجنسي
“being able to put your entire being in somebody else’s hands.”
-Intense physical sensation and orgasm
التوهج الحسي والوصول للنشوه الجنسيه وعلي فكره مش دي اهم مكونات العلاقه الجنسيه المشبعه لان دي نتيجه مضمونه لكل الخطوات السابقه وبالتالي المكونات اللي فاتت هي المكونات الرئيسه لضمان تحقق الامتاع الجنسي.
- Lust, desire, chemistry, attraction
الانجذاب الجنسي ووجود الرغبه الجنسيه ووجود تفاعل حسي بين الطرفين من محسنات العلاقه الجنسيه المشبعه ودي في رأيي محتاجه خيال خصب . الخيال وقود الرغبه .وفي هذه المساحه الخاصه جدا تكمن المتعه الجنسيه بكل أشكالها وصورها .
عرفنا عناصر الخلطه السحريه اللي لو تواجدت يقدر الطرفين يمسكوا في ايد بعض ويسافروا سوا في مكان خاص جدا هو عالم الخيال الجنسي الرحب اللي حيزروه ويستمتعوا بيه ويرجعوا تاني . الحلقه الجايه حتكون عن المهارات اللي ممكن نتعلمها علشان نحسن جودة العلاقه الجنسيه
https://juliacolwell.com/wp-content/uploads/2017/05/The-components-of-optimal-sexuality-Kleinplatz-et-al.-2009.pdf
تعليقات
إرسال تعليق
اترك تعليق لتشجيعنا