عشر مهارات للعلاقة الجنسية- د دعاء القويسني- كبسولة حضارة
بقلم: د دعاء القويسني
18+
استكمالا لما بدأناه في المقال السابق حنتكلم هنا عن ١٠ مهارات لتحسين جودة العلاقه الجنسيه واللي ممكن جدا تعلمها من خلال تدريبات مخصصه بنستخدمها في العلاج الجنسي
-Preparation التهيئه
المقصود بالتهيئه هي طقوس البدء من اشارات توحي برغبة احد الطرفين في الاستمتاع مع الطرف الاخر بممارسه جنسيه وتشمل ( جمل منطوقه ، رسائل مكتوبه ، نظرات ذات مغزي ، ملابس مثيره ،التلامس الجسدي)
التهيئه تشمل تهيئة النفس عن طريق الاهتمام بالمظهر والنظافه الشخصيه وتهيئة المكان عن طريق اتاحة جو رومانسي هادئ خالي من المشتتات وتهيئة العلاقه الانسانيه عن طريق ازالة جذور الخلاف وممارسة طقوس القرب والحميميه .
-Centering Abilities التركيز والاندماج في اللحظه الراهنه
وده معناه انك تركز بكل حواسك علي اللي بيحصل جوه العلاقه وتفصل تماما عن المشتتات سواءكانت جوه دماغك أو في البيئه المحيطه والمهاره دي شبيهه جدا بمهارات اليقظه فيما عدا اننا مش بس بنلاحظ مشاعرنا وافكارنا وخيلاتنا احنا كمان بننغمس فيها ونعيشها ونتفاعل معاها .
- Sexual knowledge المعرفه الجنسيه
كل طرف من حقه التعرف علي الحد الأدني من المعلومات الجنسيه الصحيحه من مصادر موثوقه والتي تشمل ( الوصف التشريحي للمنطقه التناسليه ،طرق التحفيز الجنسي ، طرق التلامس الجسدي، الاوضاع الجنسيه المختلفه، الالعاب الجنسيه ،طرق الإيلاج ، ....إلخ
-Speaking الكلام
مفيش جنس صامت . الجنس بيحتاج حوار رايح جاي المقصود بالكلام مش بس الالفاظ المستخدمه ولا الجمل ذات المحتوي الجنسي. المقصود بيه ازاي الكلام يتقال بطريقه تؤثر في الطرف الاخر وتثيره وايضا مدي مناسبة هذه الكلمات والجمل للحاله العاطفيه والوجدانيه للشريك وحساسية كل طرف لاحتياجات الطرف الاخر من حيث التوقيت والمحتوي .
-Empathetic communication التواصل والمواجده
هنا بقي الحدوته بقت صوت وصوره يعني مش بس محتوي لفظي لا كمان محتوي سمعي ومحتوي بصري ومحتوي حسي . الايحاءات ولغة الجسد تلعب دور كبير في الوصول للاستمتاع الجنسي
محتوي التواصل: ويشمل تعبيري عن ( مااحبه ، مالا احبه ، ما افضله،رغباتي ، احتياجاتي ،أفكاري ، خيالاتي ، مشاعري )
توقيت التواصل:الحقيقه ان التواصل بيبدأ قبل الممارسه الجنسيه ويستمر أثنائها وحتي بعد انتهاء العلاقه الجنسيه .
نوع التواصل : هو التواصل المبني علي المواجده القدره علي وضع نفسي مكان شريكي وحساسيتي لاحتياجه وقدرتي علي الاستجابه بالشكل اللي يرضيه ويقبله.
الفضول والاستكشاف Curiosity and exploring together
الممارسه الجنسيه خبره مكتسبه محدش فينا بيتولد عارف لكن اللي بيفرق مدي فضول كل طرف للتعلم واكتشاف طرق جديده للاستمتاع الجنسي وثقته في ترحيب شريكه بذلك .التجريب عنصر أساسي لصقل الخبره الجنسيه ( بنجرب اماكن جديده ، اوضاع جديده ، سيناريوهات جديده،تقنيه جديده ، استخدام ادوات ومؤثرات جديده،.......).
- Awareness to Desire obstacles الوعي بمعيقات الرغبه الجنسيه
في حاجات كتير ممكن تعيق الرغبه الجنسيه زي الخلافات الزوجيه وبعض الامراض العضويه او الادويه والعمليات اللي بتؤثر علي الأداء الجنسي في الحالة دي محتاجين نركز علي الحميميه والقرب اكتر من تركيزنا علي الاداء الجنسي كمان مطلوب زيادة المؤثرات الحسيه علشان نتغلب علي العقبات دي ومننساش ان الخيال هو وقود الرغبه فممكن تحفيز الخيال الجنسي لزيادة الرغبه
- Erotic intelligence الذكاء الجنسي
وده المصطلح الشيك لمعني الاغراء والاغراء مهاره تتطلب التشويق دون التمكين لرفع درجة الترقب ومع تكرار هذه الممارسه تتصاعد الاثاره الجنسيه كما تشتمل ايضا علي درجة التواصل والتفاهم والانسجام بين الشريكين
- Mutuality and Reciprocity العلاقة التبادليه
ودي بقي راقصة التانجو اللي اتكلمنا عنها قبل كده علاقة الرايح جاي وتشمل مشاركة المشاعر والرغبات الجنسيه في ايقاع متسق والقدره علي نقل الانتباه بين التركيز علي الخبره الذاتيه والاندماج فيها والتركيز علي ما يدور في وجدان الطرف الاخر
- Be ready, willing &open التلقائيه والعفويه
خليك علي طبيعتك عفوي تلقائي مرتاح مش متكلف ولا مصطنع واوعي تركز علي الاداء ركز اكتر علي المتعه
عمر المتعه ماكانت في الدخول ولا في الوصول للنشوه الجنسيه ولا في المحافظه علي وقت اطول من الانتصاب المتعه في الرحله في كل لحظه فيها فركز من فضلك ومتضيعش متعة الرحله بتفكيرك في محطة الوصول
تعليقات
إرسال تعليق
اترك تعليق لتشجيعنا