الإحتياج للدعم الإجتماعي - عبدالعزيز احمد - كبسولة حضارة

 بقلم: عبدالعزيز احمد

مش دايما بنحتاج نكون لوحدنا قد ما بنحتاج ناس سند ودعم وناس عندها ودن تسمعنا للآخر وحضنها يسعنا ولايملوش مننا ولا يزهقوا، الراجل راجل بمشاعره وبيحتاج يعبر عن احتياجه والبنت مخلوق عاطفي بتحتاج تعبر وتحس باحتواء من اللي حوليها، الناس اللي تقولك استرجل والناس اللي تقولك منا زيك عندي مشاكل دول نفسهم مشكلة في حد ذاتهم، واحنا صغيرين ومش معانا تلفون بيوصلنا بالعالم الافتراضي كنا عايشين في هنا وسلام بعيد عن علاقات مشوهة والبلوك فيها نهاية العلاقة حتى لو دامت لسنين ولكنها في النهاية علاقة افتراضية، لو قابلت حد بيقول مخنوق ولا زهقان، قوله احكيلي ومالك وخده في حضنك، ناس كتير كانت حولت الانتحار وناس انتحرت بسبب ملقوش دعم وشافوا "خذلان مبين" مقدروش يتحملوه ففقدوا بهجة الحياة والشغف انهم يعيشوا ويكملوا، احنا بني أدمين وعندنا مشاعر، ياراجل دا الحيوان اللي مش بيقدر يقول جعان عنده مشاعر بيحزن ويفرح ويخاف ويحس انه شجاع زينا مابالك بالبني أدم!